Kengetaret tjere

Dafina: Shpresoj të pëlqehet kënga "Shum nalt"


Këngëtarja e cila aktualisht po pushton skenën shqiptare, Dafina Zeqiri, ka thënë se arsyeja e realizimit të një bashkëpunimi të radhës ka qenë si pasojë e suksesit që pati kënga "La Vida Loca" në bashkëpunim me Bleron.
Dafina së fundmi ka realizuar një tjetër këngë dhe klip, të titulluar “Shum nalt” ku ka bashkëpunuar me Capital-T dhe 2po2, ndërsa shpjegon se suksesi i madh që pati kënga “La Vida Loca”, e ka shtyrë këngëtaren që të vazhdojë me bashkëpunimet.

“Pata shumë fat në këngën ‘La Vida Loca’ që e kënduam duet me Bleron. Vullneti më shtyri që të vazhdoj të paraqitem duet në skenë, me këngëtarët siç janë grupi ‘Capital-T’ dhe ‘2po2’. Besoj se edhe kjo këngë do të më sjellë fat. Kemi arritur të realizojmë një videoklip të mrekullueshëm që besoj se do t’iu pëlqejë të gjithëve”, ka thënë Dafina për të përditshmen “Kosova Sot”.

Edhe mua me pelqen kjo kenga "Shum Nalt" eshte shum kenge e mirë

Leonora: Nuk këndoj maqedonisht!

Këngëtarja nga Maqedonia, Leonora Poloska, e cila të premten mbrëma ishte mysafire në emisionin argëtues "Oxygen", ka thënë se kurrë nuk ka kënduar dhe nuk do të këndojë në gjuhën maqedonase.
Kohëve të fundit u shndërrua në trend që disa nga këngëtarët e rinj shqiptarë nga Maqedonia të këndojnë edhe në gjuhën maqedonase duke dashur ta shtrijnë popullaritetin e tyre edhe te fansat maqedonas dhe duke u munduar të përfitojnë nga rasti dhe të dalin në skenat ndërkombëtare, siç ishte rasti me Adrian Gaxhën, i cili ishte njëri nga përfaqësuesit e Maqedonisë në Evrovisionin e fundit.

Mirëpo, e pyetur nëse ndonjëherë ka kënduar në gjuhën maqedonase, Leonora Poloska është përgjigjur se ajo nuk ka kënduar asnjëherë maqedonisht, për faktin se ata janë një popull shumë më i vogël se shqiptarët, dhe se do të këndonte në gjuhën e tyre, në qoftë se ka ndonjë këngëtar/e maqedonas/e që këndon shqip.

Elvana me videoklip dhe ueb-faqe


Hit-këngëtarja nga Shqipëria, Elvana Gjata, së shpejti do të lansojë një videoklip të ri. Përveç klipit, Elvana do të hapë edhe faqen e saj të internetit për t’i informuar fansat në lidhje me aktivitetet e saja.
Revista “Albaniac” njofton se javën e kaluar Elvana ka qenë në Kosovë për të realizuar spotin e ri.

I njëjti burim pohon se këngëtarja e hitit “Vetes” shumë shpejt do të lansojë edhe ueb-faqen e saj zyrtare në internet për të qenë më afër fansave me informacionet për performancat dhe aktivitetin e saj muzikor.

Dafina ndjehet mirë pas ndërhyrjes kirurgjike


Pas ndërhyrjes kirurgjike që ka pasur në hundë këngëtarja Dafina Zeqiri, si pasojë e aksidentit që kishte pësuar në qendrën e skijimit në Brezovicë, ajo ndihet më mirë.
“Operacioni ka kaluar mirë dhe tani po ndihem mirë”, ka thënë Dafina për emisionin “Express Live” të KTV-së.

Dafina njihet për bashkëpunimet e suksesshme, duke veçuar këto të fundit, “La vida loca” me Bleron dhe F-Kay, si dhe “Shum nalt" me Capital T dhe 2po2.

Këngëtarja ka bërë të ditur se tash e tutje do të jetë e fokusuar gjithnjë e më shumë tek solo karriera. “Do të ketë shumë këngë solo”, ka përfunduar Dafina.

Rovena nuk heq dorë nga ëndrra


Këngëtarja nga Shkodra, Rovena Dilo, ka njoftuar se ajo rastësisht është bërë këngëtare, ndërsa ëndrra e saj e fëmijërisë dhe adoleshencës ka qenë që ajo të bëhet shkrimtare.
Gjatë fëmijërisë saj Rovena kishte qenë e dhënë pas librave dhe revistave, ndërsa lënda e preferuar e saj ishte letërsia.

Mirëpo krejt pa pritur, në moshën 23-vjeçare (në vitin 1993) ndryshuan planet e fëmijërisë së saj, me ç’rast ajo u paraqit në skenë me këngën “Nëse natën vij”, e cila doli të jetë shumë e suksesshme dhe ishte momenti kthyes në jetën e Rovenës.

Megjithatë, këngëtarja e hitit “Për një çast më ndali zemra” vazhdon t’i mbetet besnik ëndrrës së saj.

“Ku ta dish, ndoshta një ditë... pasi të kem mbushur 40 vjet... do të filloj të bëj letërsi”, është cituar këngëtarja nga suplementi “Unë gruaja”.

N.Y. Daily News: Bleona do të bashkëpunojë me Timbaland

Ne rubrikën e thashethemeve në numrin e të dielës të gazetës amerikane "New York Daily News", midis emrave te njohur te artit botëror radhitej dhe një lajm për Bleona Qerretin, njofton revista "Albaniac".
Në lajm është thënë se farmacisti miliarder Stewart Rahr po tenton biznesin muzikor nëpërmjet këngëtarëve nga Ballkani.

“New York Daily News” thotë se Rahr po mundohet ta lidhë “Madonën e Shqipërisë – Bleona Qerretin” me superproducentin Timbaland dhe David Foster, të cilët do të krijojnë një këngë për këngëtaren seksi nga Shqipëria.

Duffy pëlqehet në Top-Fest

Këngëtarja më premtuese dhe në trend, Dafina Zeqiri, është paraqitur të hënën në "Top Fest 6" me këngën "Duhet që ta di", ndërkohë, revista "Albaniac" njofton se këngëtarja ka hapur edhe faqen zyrtare në internet.
Dafina në Shqipëri për të parën herë është prezantuar para publikut në festivalin “Kënga Magjike”, ku nuk la ndonjë përshtypje të madhe, mirëpo ajo u bë ë shumë e njohur pas lansimit të këngës në bashkëpunim me Bleron dhe F-Kay, “La Vida Loca”.

Të rejat dhe informacionet në lidhje me këngëtaren mund t’i merrni në faqen dafinazeqiri.com, e cila është faqja zyrtare e Dafinës.

Elvana: Jam e dashuruar


Suplementi "Panorama Plus", njofton se këngëtarja Elvana Gjata ka zbuluar se është e dashuruar dhe e lumtur, duke mos zbuluar identitetin e të dashurit të saj.
Elvana, e cila së fundmi ka lansuar klipin e ri “Nuk jam më”, nuk ka pranuar asnjëherë të japë asnjë koment për jetën e saj private madje është irrituar shumë kur gazetarët kanë dashur të mësojnë më tepër mbi atë copëz aq të rëndësishme jete ku ajo nuk lë askënd të hyjë. Por si mund të evitohej ai detaj, aq më shumë që fansat e saj e duan edhe këtë informacion.

Natyrisht për djemtë që e pëlqejnë, i dashuri i saj konsiderohet si i lindur me këmishë pasi të fitosh zemrën e një vajze të bukur, një këngëtareje shumë të suksesshme edhe pse në moshë të re, është fat i madh.

Por, tani ajo nuk dëshiron të fshehë gjithçka, por e pranon se është e dashuruar dhe e lumtur. Madje është shumë e kënaqur që jo vetëm ata të dy, por edhe familjet e tyre janë të kënaqur për zgjedhjen që kanë bërë dy të rinjtë.